Премиерот на Либан со 72-часовен ултиматум до противниците – Слободен печат
ВестиПланета

Премиерот на Либан со 72-часовен ултиматум до противниците

Харири апелираше да донесат „јасни, одлучни и конечни одлуки" поврзани со своите предложени структурални реформи за обнова на многу задолжената либанска економија.

Премиерот на Либан, Сад Харири додека се одржуваат протести ширум земјата, постави 72-часовен ултиматум до своите противници да ја поддржат неговата програма за реформи.

Тој во обраќањето до нацијата ги обвини политичките партнери во својата Влада на национално единство, во која учествува и иранската група Хезболах, дека повторно го блокираат во спроведување на реформите.

Харири апелираше да донесат „јасни, одлучни и конечни одлуки” поврзани со своите предложени структурални реформи за обнова на многу задолжената либанска економија.

Тој во обраќањето до нацијата сугерираше дека ќе поднесе оставка ако тоа не се случи, но не беше експлицитен.

Илјадници демонстранти веќе втор ден протестираат барајќи оставка од Владата. При вчерашните протести во Бејрут загинаа две лица, а десетици беа повредени.

Протестите беа иницирани по соопштувањето на намерата на Владата да ги зголеми даноците, но и поради корумпираноста на политичарите.

Владата прогласи состојба на економска криза и бара начин да го намали дефицитот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close