Српскиот актер Сергеј Трифуновиќ изреагира на објавата на Жељко Митровиќ, сопственикот на телевизијата Пинк, дека ќе го укине контроверзното реално шоу „Задруга“.

Како што објави босанскиот медиум „Кликс“, Трифуновиќ кратко искоментирал на неговата објава: „Брате, доцна е. Предоцна. За сѐ“. Но, се чини дека коментарот сега е избришан.

По масакрот во белградското основно училиште „Владислав Рибникар“, јавноста покрена петиција за укинување на реалните шоуа и одземање на лиценците за работа на телевизиите „Пинк“ и „Хепи“. Исто така, едно од барањата на протестот „Србија против насилството“ беше укинување на програмите кои промовираат насилство и неморал, како што се реалните шоуа.

По препорака на српскиот претседател Александар Вучиќ, сопственикот на телевизија Пинк вчера објави дека ќе ја укине „Задруга“.

„По препорака на претседателот на Република Србија, Александар Вучиќ, донесов одлука да ја укинам реалити програмата ‘Задруга’ во најкус можен рок, не подолго од десет дена. Верувам дека единството на Србија и проценката на претседателот е поважна од секој интерес на Пинк и мојот личен интерес!“, напиша Жељко Митровиќ на социјалните медиуми.

Na preporuku Predsednika Republike Srbije Aleksandra Vučića, doneo sam odluku da u najkraćem mogućem roku, ne dužem od desetak dana, ukinem rijaliti program “Zadruga”. Verujem da je jedinstvo Srbije i procena Predsednika Republike, važnija od svake vrste interesa Pinka i mog… pic.twitter.com/D0fDRx8yMz

— Željko Mitrović (@zeljkomitrovic) May 25, 2023

„Труење на народот“: Започната петиција за одземање на дозволите на телевизиите Пинк и Хепи