Предлог за денешниот ручек – Фантазија од вкусови: Компир и тиквички во сос од печурки
Пробајте го овој превкусен и едноставен рецепт за компир и тиквички запечени во рерна на малку поинаков начин. Ќе почувствате фантазија од вкусови и ќе уживате во запечените тиквички, прелиени со сос од печурки.
Потребно ви е:
– 600 гр компир
– морков
– 2 помали тиквички
– 1 главица кромид
– 1 домат
– лук во гранули
– 3 лажици пченкарно брашно
– 2 лажици гриз
– зачин, сол
– бибер
– лута тенка пиперка
– малку слатка црвена пиперка
– магдонос
– кесичка од печурки за крем супа
Подготовка:
Компирот, тиквичките и морковот исчистете ги и исецкајте ги на кругови. Посолете и додадете ги зачините. Кромидот и доматот исецкајте ги исто така на кругови. Во компирот и морковот и тиквичките додадете бибер, алева и толчена пиперка, додадете лук, масло, пченкарно брашно и гриз и се добро изедначете. Кесичката со мешавина за крем супа од печурки разматете ја во млака вода околу 250 мл и прелијте ја преку компирите. Уште малку додадете масло, попрскајте со магдонос и печете на 220 степени околу 40 минути.
Пријатен ручек!
