Ерлинг Халанд одигра страшен натпревар против Манчестер Јунајтед, Норвежанецот постигна три гола и додаде уште две асистенции, а за овој настап доби пофалби и од Уругваецот Луис Суарез.

Од почетокот на сезоната Халанд игра фантастично во дресот на „граѓаните“, зад своето име веќе има 14 гола, втор стрелец е Хари Кејн со двојно помалку. Нема сомневање дека ако продолжи вака пред Халанд ќе паднат сите можни голгетерски рекорди.

Луис Суарез нема дилеми дека Халанд во овој момент е најдобрата „деветка“ во светот.

„Честитки пријателе, неверојатен натпревар! Најдобрата „деветка“ во овој момент!“, гласи кратката порака на поранешниот напаѓач на Ливерпул и Барселона.

Пофалби за Халанд имаше и легендарниот Питер Шмајхел. За Шмајхел, Халанд е комбинација на повеќе врвни напаѓачи.

„Кога го гледам Халанд имам чуство како да дава голови како Ибрахимовиќ, но во него има примеси и на Кристијано Роналдо. Тој е толку опасен што е комбинација на неколку врвни напаѓачи“, порача Шмајхел.