Софи Баг (29) би можела да влезе во Гинисовата книга на рекорди поради брзината на породувањето – бебето го родила за само 27 секунди!

Како што пренесува британски „Сан“, Софи била дома кога почувствувала контракции, но сметала дека тоа е нормално бидејќи ѝ се приближувал терминот за породување. Меѓутоа, контракциите не престанувале и Софи тогаш сфатила дека нејзиното девојче ќе го запознае светот побрзо отколку што очекувала мајката.

Бидејќи немало време да стаса до болницата, таа морала да се породи дома, но признава дека не можела ни да сонува дека породувањето ќе биде толку лесно, брзо и едноставно.

– Воденикот не ми пукна, не почувствував никакви болки во стомакот. Јас и сопругот повикавме брза помош, а тие ми рекоа дека ќе морам да се породам дома. Легнав на подот и само еден посилен стисок беше доволен за мојата Мили да дојде на свет – рекла новопечената мајка.

Но, ова не е првпат Софи да се породи за еден миг. Првата ќерка ја родила по само 12 минути, а втората по 26 минути.

– Во еден момент ѝ пишував порака на пријателката, а во другиот момент веќе ја држев мојата трета ќерка во рацете. Буквално само едно стискање беше доволно. Ова мора да биде рекорд, беше толку брзо и неочекувано – рекла Софи.