Пораз на Ѓоковиќ, првото место под знак прашање! (ВИДЕО)
Грчкиот тенисер Стефанос Циципас приреди изненадување и го совлада најдобриот тенисер на светот Новак Ѓоковиќ со 2:1 по сетови 3:6, 7:5 и 6:3 во четвртфиналето на турнирот во Шангај.
Во третиот сет доминираше Гркот, неговиот ривал немаше решение за расположениот Циципас кој направи „брејк“ за 3:1 – од 0:40 популарниот Ноле на неверојатен начин спаси две „брејк“ топки, но на третата после погоден прв сервис испрати „форхенд“ во аут.
?? SUPER STEFANOS ??@StefTsitsipas defeats Novak Djokovic for the second time in three attempts & gets his first win over a current World No. 1 to make the #RolexShMasters semi-finals ?
?: @TennisTV | @SH_RolexMasters pic.twitter.com/Aq7ZaBm3te
— ATP Tour (@atptour) October 11, 2019
Во преостанатите три гема на свој сервис Циципас збирно загуби четири поени и дојде до втората победа во третиот меѓусебен меч со Ѓоковиќ.
Со оглед на тоа што го бранеше трофејот во Кина, наредниот понеделник Ѓоковиќ ќе има само 320 бодови повеќе од Рафаел Надал, кој до крајот на сезоната не брани ништо, додека српскиот тенисер има 1.600 бодови од Париз и Лондон.
Во борбата за пласман во финалето Циципас ќе се сретне со Данил Медведев кој претходно го елиминираше Фабио Фоњини. Втората полуфинална двојка ќе биде комплетира со одигрувањето на останатите две четвртфинални средби: А. Зверев – Р. Федерер и М. Беретини – Д. Тим.