Украинскиот актер и водител Паша Ли, кој ја напушти работата за да се приклучи на војската во одбрана на својата земја од руската инвазија, беше убиен при гранатирањето.

Ли (33) штотуку им се приклучи на украинските територијални одбранбени сили минатата недела. Тој е убиен во бомбардирањето на Ирпин, северозападно од Киев, пренесува британски „Сан“. Во трагичната последна објава на „Инстаграм“ во саботата, Ли ја сподели својата слика во воена униформа.

 

View this post on Instagram

 

A post shared by ПАША ЛИ | АКТЕР | TV HOST (@pashaleeofficial)

„Во последните 48 часа имавме можност да седнеме и да фотографираме додека не бомбардираат, а се смееме затоа што ќе се снајдеме и се ќе биде за УКРАИНА. НИЕ РАБОТИМЕ!”

Паша Ли го даде својот глас за синхронизација на холивудските филмови како „Хобит“ и „Кралот лав“. Неговата смрт ја потврди и Сергеј Томиленко, претседател на Украинската национална асоцијација на новинари.

„Сан“ наведува дека уште четворица цивили, меѓу кои и тричлено семејство, биле убиени во Ирпин додека се обидувале да побегнат од бомбардирањето.