Попович тренер со намногу победи во НБА (ВИДЕО)
Сан Антонио спарс поведе со 1:0 во победи во плејоф серијата против Денвер нагетс откако славеше со 101:96 и тоа како гостин. Ова беше 1.413 победа во кариерата за Попович со што стана тренер со највеќе победи во историјата на НБА. Тој го претекна Лени Вилкинс кој има 1.412 победи, а на третото место се наоѓа Дон Нелсон со 1.410 победи.
– Не му дозволивме на Јокиќ да игра како што тој сакаше, исто како што и тие го запреа Олдриџ. Што се однесува до тоа дека сум тренер со највеќе победи во НБА, тоа се само бројки, но и доказ дека полека треба да размислувам за пензија – се пошегува Попович.
Голден стејт на крилјата на Стеф Кари и неговите 38 поени со победа од 121:104 ја започна плејоф пресметката со ЛА Клиперс.
Во Источната конференција, победија гостинските екипи, Бруклин со 111:102 ја изненади Филаделфија.
Орландо меџик благодарение на тројката на Д.Џ. Аугустин на три секунди до крајот дојде до голем триумф од 104:101 над Торонто.