Сото се зачинува со разни зачини како варени јајца, крекери од ракчиња, пржени компири или пржен кромид, додека обично на страна се сервира ориз. Како што сугерира и неговото име, овој тип на „сото“ потекнува од градот Медан, каде што се смета за официјално јадење и многу баран регионален деликатес.

Потребни состојки:

– 4,5 пилешки батаци
– 1 лажица масло
– 4 чаши пилешки бујон
– 1 коцка пилешки бујон
– 1 чаша кокосово млеко
– Сол и шеќер по вкус

За пастата:
– 4 чешниња лук
– 3 кромиди
– 1 лажиче коријандер
– 1/2 лажичка црн пипер
– 2 лажици куркума во прав
– 1/2 лажичка сецкан ѓумбир

Други билки и зачини:
– 4 ловорови лисја
– 4 мешунки кардамон
– 3 каранфилчиња
– кора од рендан лимон

Начин на подготовка:

Подготовка на паста:

– Сите состојки за пастата ставете ги во процесор за храна, освен куркумата во прав. Преработете ги во паста и потоа додадете куркума. На тој начин нема да го извалкате садот со процесорот за храна.

Подготовка на супа:

– Оставете да зовријат 4 чаши вода. Ставете парчиња пилешко, намалете ја температурата и динстајте околу 30 минути. Отстранете го пилешкото и оставете го настрана. Зачувајте ја течноста и исечете го месото кога ќе биде доволно ладно.
– Во меѓувреме, загрејте малку масло во големо тенџере и пржете ја пастата што сте ја подготвиле претходно, кардамон, каранфилче и кората од лимон додека не замириса, околу 5 минути. Ставете ги ловоровите лисја и продолжете со пржење уште неколку минути додека не замириса зачинот.
– Истурете ја течноста од готвењето на пилешко и пилешкиот бујон во тенџерето и оставете да се вари околу 15 минути. Исцедете ја течноста и фрлете ги зачините(ги користите само за зачинување на бујонот). Додадете кокосово млеко и оставете да се загрее, но не дозволувајте да зоврие. Вкусете и зачинете со повеќе сол и малку шеќер по ваш вкус.