Ден пред протестот во Белград почнала блокада на железничкиот сообраќај, а наводно има дојави за бомби во возовите, објави „Нова“.

Воз бил запрен во градот Инѓија, а пратеничката Јелена Милошевиќ изјави дека бил запрен и возот во Смедеревска Паланка, каде што патниците биле евакуирани, и дека стои воз кај Ресник.

Редовно се откажуваат возови што тргнуваат од Белград. Граѓанка дознала од надлежните дека возот кој сообраќа кон Суботица е запрен во Нови Сад. Жена, која тргнала од Белград, од станицата Прокоп кон Петроварадин, јавила дека сите возови во тој правец се откажани, а и преку апликацијата „Србијавоз“ може да се види порака дека „нема возови на бараната релација“ Белград – Петроварадин.

На 30 октомври, повеќе од 4.000 студенти пеш тргнуваат од Белград кон Нови Сад

Пратеничката на партијата ССП, Јелена Милошевиќ, објави на својот профил на Икс дека повторно има дојави за бомби во возовите.

„Докажан рецепт воочи големи собири – бомби во возови. Во моментов во Смедеревска Паланка е запрен возот 2.900 Ниш–Белград, патниците се евакуирани, стои воз кај Ресник, а на северот на земјата сите возови се запрени. Радикал ги малтретира граѓаните зашто се плаши од нив,“ напиша Милошевиќ.

Opet dojave o bombama u vozovima!
Oprobani recept uoči velikih skupova-bombe u vozovima.
Upravo je u S. Palanci zaustavljen voz 2900 Niš-BG, putnici su evakuisani, stoji voz kod Resnika, a na severu zemlje su zaustavljeni svi vozovi.
Radikal maltretira građane jer ih se plaši!

— Jelena Miloševic (@JelMilosevic) October 31, 2025

Утре во Нови Сад ќе се одржи комеморативен собир по повод годишнината од уривањето на натстрешницата на железничката станица.

Пред големиот протест во Белград на 15 март, исто така, возовите не сообраќаа на оваа релација поради наводни дојави за бомби.

Сите патишта водат кон Нови Сад: Србија се подготвува за годишнината од падот на натстрешницата