Поранешниот државен обвинител на американската држава Аризона и несуден амбасадор во Србија, Марк Брновиќ, почина на 59-годишна возраст, соопшти неговото семејство, објавија српските медиуми.

 „Со длабока тага, семејството Брновиќ објавува дека Марк Брновиќ почина. Најпознат како 26-ти државен обвинител на Аризона, државен и федерален обвинител и застапник за правда, тој секогаш ќе биде запаметен и ценет како грижлив татко, сопруг, син и брат. Скршени сме од оваа загуба и длабоко трогнати од изливот на љубов и поддршка од толку многу прекрасни луѓе низ целата држава и земјата. Семејството моли за приватност во овој тежок период. Организацијата на комеморацијата ќе биде објавена штом ќе биде достапна“, се наведува во објавата од неговото семејство.

Причината за смртта не е објавена.

Брновиќ лани беше номиниран од Доналд Трамп, за позицијата амбасадор на САД во Србија во март минатата година, но американскиот претседател подоцна ја повлече номинацијата.

Брновиќ припаѓа на првата генерација југословенски деца кои избегале во Америка. Неговите родители се Срби кои емигрирале од поранешна Југославија, а самиот Брновиќ често го споменувал своето потекло во своите говори и наведувал дека уште од детството посетувал служби во црквата „Свети Сава“ во Феникс.

Тој често кажуваше дека се држи до поговорката „Само слогата ги спасува Србите“ и дека верува дека неговиот народ, само обединет, може да се справи со сите предизвици.

Трамп се пишмани, не го праќа Марк Брновиќ за американски амбасадор во Србија