Денеска на терените на тенискиот клуб „Југ“ во Градскиот парк – Скопје македонската женска сениорска репрезентација започна триумфално во рамките од Били Џин Кинг Купот, трета група Европа/Африка.

Нашата селекција без загубен гем со максимални 3:0 славеше против репрезентацијата на Уганда.

Магдалена Стоилковска во сингл конкуренцијата со 2:0 во сетови 6:0 и 6:0 ја совлада Меги Намаганда, а со истиот резултат славеше и Лина Ѓорческа против Вини Бирунги.

А во двојки Катарина Маринковиќ и Александра Симева со 6:0 и 6:0 беа подобри од Вини Бирунги и Меги Намаганда.

Во нашата група „Ф“ Јужна Африка запиша победа против Боцвана. Тенисерките од Боцвана ќе бидат следните противнички на Македонија.

На купот ќе земат учество повеќе тенисерки од различни земји во светот, само победникот на овој куп ќе добие шанса да биде промовиран во групата 2 од Евроафриканската зона.