Откако во изминатиот период се прослави со освојувањето на трофејот во шпанскиот главен град, денеска Калин Ивановски претрпе рана елиминација на ИТ Фјучрс турнирот во Трнава.

Македонскиот тенисер во Словачка претрпе пораз веќе во 1/16 финалето од Павел Неједли со 2:1 во сетови по два и 44 минути игра.

Ивановски (610, АТП) загуби во Трнава од послаборангиран тенисер кој моментно е на 774 позиција на АТП листата.

Првиот сет успеа да го освои Ивановски со 7:5, а потоа израмни чешкиот натпреварувач откако во вториот беше подобар со 6:4.

Во решавачкиот трет сет Неједли излезе како победник (6:3) и се пласираше во осминафиналето каде ќе игра против петтиот носител на турнирот Абедалах Шелбајх од Јордан.