Српската тенисерка Наталија Стевановиќ е поразена во финалето на квалификациите за турнирот во Гвадалахара од Марија Матеас со 6:3, 7:5.

Она што беше полошо од поразот беше реакцијата на многу корисници на социјалните мрежи. Имено, поради поразот Стевановиќ доби многу навредливи пораки и закани, воглавно од луѓе кои се обложуваат на спортските натпревари.

– Што да кажам после ова? Морам да се плашам за мојот живот само затоа што загубив меч по повреда? Спортистите даваат сè од себе на теренот, а ваквите закани се навистина нешто сериозно. Ова го објавувам за првпат затоа што веќе ми е доста од вакви пораки кога и да не победувам – објави Стевановиќ на Инстаграм и потоа ги сподели заканите.

Меѓу нив има неколку закани со смрт и силување, како и закани со тепање и гнасни пцости и навреди.

*Предупредување дека содржината на пораките е вознемирувачка. Деталите за тоа што го објави Стевановиќ можете да ги погледнете ТУКА

Наталија Стевановиќ, единствената српска тенисерка на главниот ждреб на Вимблдон чија јуниорска кариера е поврзана со Скопје и семејството Марковски