По финалето на серијата „Peaky Blinders“ ќе се снима и филм
Уште во 2017 година, творецот на „Peaky Blinders“, Стивен Најт, размислуваше гангстерската британска серија на „Би-Би-Си“ да доживее и долгометражен филм.
Најт вели дека е прерано да се каже „збогум“ и дека приказната за „Peaky Blinders“ веројатно ќе продолжи во друга форма.
„Ковид ни ги смени плановите. Но, можам да кажам дека мојот план уште од почетокот беше да ги завршам „Bliders“ со филм и тоа ќе се случи“, најави тој за „Деадлајн“.
Веста доаѓа откако Најд објави дека сагата за подемот на бандата од Бирмигнем ќе заврши по шестата сезона.
„Верувам дека ова ќе биде најдобрата сеозна и сигурен сум дека ќе им се допадне на нашите неверојатни обожаватели. И како се ближи крајот на серијата, приказната ќе продолжи во друга форма“, вели тој.
Најт претходно најави можност за снимање на седма сезона, но поради пандемијата, таа идеја веројатно нема да реализира.
Сепак, последната шеста сезона започна да се снима неодамна и доцни за нешто помалку од една година заради моменталната ситуација со пандемијата.
Инаку за оние кои ја следат приказната за „Peaky Blinders“, знаат дека оваа серија започна од 2013 година и со секоја следна сезона серијата сериозно градираше.
Извршниот продуцент Керин Мандабах исто така рече дека последната сезона ќе биде најдобра и дека обожавателите од целиот свет едвај ја чекаат нејзината премиера.