По 40 дена боледување, негативен првиот брис на лекарката од Куманово
Стискајте палци и за вториот брис што ќе ми го земат утре, напиша Николиќ на нејзиниот фејсбук-профил.
Лекарката од Куманово, Гордана Николиќ која 40 дена беше позитивна на корона вирусот, за прв пат доби негативен резултат, за што е неизменрно среќна
„Прв пат негативен брис, од првиот позитивен на 23 ти март и сите потоа беа позитивни, се до сега. Се радувам како дете. Еве и пивото од фрижидер го најдов да наздравам, за сега уште само на тераса можам да си наздравам сама со себе! Стискајте палци и за вториот брис што ќе ми го земат утре,“ напиша Николиќ на нејзиниот фејсбук-профил.
Докторката од кумановската болница што е најдолго време носител на висусот, е познато дека се зарази меѓу првите во земјава, и тоа во контакт со пациентка која почина, а за која два теста за ковид 19 беа негативни, а оној направен постхумно беше позитивен.