5 C
Скопје

ПЕС: Заев демонстрира храброст и лидерство додека бара начин за излез од ќор-сокакот со Бугарија

„Партијата на европските социјалисти е разочарана што преговорите за пристапување во ЕУ за Република Северна Македонија се соочуваат со назадување, откако бугарската влада објави дека засега го блокира процесот. Политичката мудрост на двете земји е ставена на тест – само јазикот на соработка и целосно разбирање на долгорочните перспективи во регионот можат успешно да ја надминат оваа пречка“, стои во изјавата на Претседателството на ПЕС за состојбата во процесот на пристапните преговори

-Европските социјалисти и демократи секогаш биле поддржувачи на процесот на проширување за Западен Балкан. Партијата на Европските социјалисти го поздрави одобрувањето на Европскиот совет за отворање на пристапните преговори со Северна Македонија и Албанија во март оваа година и нацрт-рамката за преговори претставена на земјите-членки во јули, соопштува ПЕС.

Прочитајте и...  Заев-Клуге: Динамизирањето на постапката за добивање вакцини за сите земји е израз на пријателство и солидарност

Тие изјазија надеж дека со правичен и продлабочен дијалог помеѓу Бугарија – која е земја-членка на ЕУ веќе 13 години – и Северна Македонија – која силно ја изрази својата желба да се зачлени во Унијата – ќе се најде решение во корист на обете земји.

-Премиерот на Северна Македонија Зоран Заев продолжува да демонстрира храброст и лидерство додека бара начин за излез од ќор-сокакот, давајќи го првиот сигнал дека е можен ваков дијалог. Брзиот почеток на пристапните преговори позитивно ќе влијае на долгорочните односи меѓу Бугарија и Северна Македонија, како и целиот регион на Западен Балкан. Време е сите да постапат одговорно и мудро, водени од визијата за заедничка европска иднина, соопштуваат европските социјалисти.

Прочитајте и...  Димитров-Клус: Словачка е една од најсилните поддржувачи на политиката на проширување на ЕУ

ПЕС изрази загриженост од зголемувањето на бранот национализам и десничарската реторика и во Бугарија и во Северна Македонија.

– Луѓето во двете земји го паметат говорот на омраза во регионот за време на претходната конзервативна влада на тогашната Поранешна југословенска Република Македонија. Во Скопје, ВМРО-ДПМНЕ го наруши дијалогот со Бугарија, Грција и целиот регион, со што пристапувањето во ЕУ стана невозможен сон. Под нивни мандат, Северна Македонија доживеа деценија на замрзната интеграција и проблематични односи со соседните земји. Денес, ВМРО-ДПМНЕ продолжува да игра опасни политички игри со говор на омраза, поттикнувајќи конфронтација. Ова не е иднината што ја сакаат луѓето во Северна Македонија. Социјалдемократската влада на Зоран Заев е таа што ја водеше Северна Македонија до почетната точка на преговорите со ЕУ и тој останува најдобрата личност да го продолжи тој процес, доколку и се даде шанса на земјата, нагласуваат од Партијата на европски социјалисти.

Прочитајте и...  Да се издржи уште малку и да нема групирање: Нови 400 случаи со ковид-19, надлежните апелираат на почитување на мерките

Поврзани вести

Започнува второто полугодие: Сѐ уште ќе важат истите мерки

Слободен печат

🔴 ОД МИНУТА ВО МИНУТА I Бајден денес станува претседател: Вашингтон е под опсада на војската

Слободен печат

Маричиќ: Секоја мерка за одговорност на судија е за поздравување

Лука Андреев

Студентите на протест: Бараме повлекување на нацрт-концепцијата

Слободен печат

Промовиран проектот „Правда за деца – ЕУ за малолетничка правда и правда по мерка на децата”

Слободен печат

Заев: Нема разговори за идентитетот и јазикот

Слободен печат

Остави Коментар