Поранешниот перуански претседател Мартин Вискара вчера е осуден на 14 години затвор откако беше прогласен за виновен за поткуп додека беше гувернер на јужниот регион Мокегва на почетокот на 2010-тите, пренесува Ројтерс.

Вискара кој беше шеф на државата од 2018 до 2020 година и во својот мандат вети дека ќе се справи со корупцијата, е прогласен за виновен за примање приближно 640.000 долари (550.000 евра) од градежни компании во замена за доделување договори во Мокегва помеѓу 2011 и 2014 година.

Вискара, 62, остана рамнодушен во текот на целото сослушување, негирајќи ги обвиненијата и тврдејќи дека е жртва на политички прогон. Тој беше притворен 22 дена во август под сомнение за бегство. Сепак, во септември, апелацискиот суд нареди негово ослободување во исчекување на судењето, кое започна еден месец подоцна.

Мартин Вискара е петтиот поранешен претседател на Перу кој е затворен, по Алберто Фуџимори (1990-2000), Алехандро Толедо (2001-2006), Оланда Умала (2011-2016) и Педро Кастиљо (2021-2022).

Неговиот постар брат, Марио Вискара, планира да се кандидира за претседател на изборите во април.