Гвардиола смета дека со враќањето на англискиот гигант чиј член е и македонскиот репрезентативец, Премиер лигата ќе биде уште подобра, пред се поради менаџерот Марсело Биелса.

– Тој направи неверојатна работа. И минатата сезона играа одлично но не успеаја да се пласираат во Премиер лигата. Сега покажаа дека се силни, имаат карактер и успеаја. Не играв за него кога бев фудбалер, па ми е малку тешко да зборувам за него како тренер. Но, слушнав многу фудбалери што зборуваат за него, а јас сум среќен што имав можност да разговарам со него. Тој е единствен во светот на фудбалот поради специфичниот стил на игра, никој не игра како него. Многу научив од Марсело – изјави Гвардиола.