Полицијата се пофали дека презела уште еден одлучен чекор кон сузбивањето на нелегалното оружје во државата – МВР ѝ поднело кривична пријава на 68-годишна жена од Берово за нелегално поседување оружје, откако претходно со судска наредба, полицајци влегле во домот на жената и пронашле ловна пушка, за која пензионерката од Берово немала дозвола.

„Надворешната канцеларија за криминалистички работи Берово поднесе кривична пријава против С.Т.(68) од Берово поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“. На 12.03.2025 полициски службеници, со судска наредба, извршиле претрес во домот на пријавената, при што е пронајдена и одземена ловна пушка, без одобрение за поседување издаден од надлежен орган“, велат од полицијата.