ФК Пелистер упати испрати до своите навивачи пред утрешното дерби со Вардар, повикувајќи ги да покажат хуманост и солидарност кон сограѓанка која останала без дом.

Од битолскиот клуб информираа дека на влезовите на стадионот ќе бидат поставени посебни кутии за донации, преку кои сите посетители ќе можат да помогнат.

„На Елена ѝ изгоре куќата, а како тоа да не беше доволно, го загуби и својот татко. Таа остана сама со две деца, од кои едното е болно (дијагноза – менингитис). Во овие тешки моменти, нашата поддршка ѝ е повеќе од потребна. На сите влезови ќе бидат поставени кутии за донации – да помогнеме заедно и да покажеме дека Битола знае да застане кога е најпотребно. Фудбалскиот клуб Пелистер ќе донира дел од средствата од продадените карти, додека НГ Чкембари ќе ги донира сите финансиски средства со кои располага. Да бидеме сплотени. Да помогнеме“, повикаа од клубот.