Состојки:

1 килограм скуша

200 милилитри бело вино

рузмарин

ловоров лист

1 главица лук

100 милилитри масло за јадење

1 лажичка копар

100 грама црни маслинки без семка

сол

црн бибер

Подготовка:

Скушата ставете ја во тава за печење, прелијте ја со бело вино и со 100 милилитри вода. Количината на течност треба да биде доволна за да ја прекрие целата скуша. Потоа, додајте ги зачините и зачинските билки и ставете ја скушата да се пече во претходно загреана рерна на 200 степени околу еден час.

Откако ќе помине потребното време, извадете ја рибата и исцедете ја од течностите во кои се печела. Оставете ја рибата да се излади, а потоа исчистете ја од коските.

Добиеното месо од рибата, ставете го во вертикален блендер и во него додајте ги и маслинките, копарот, маслото за јадење како и лукот.

Сето тоа убаво измиксирајте го.

Смесата што ќе ја добиете треба да наликува на паштета.