Црвена Звезда втора сезона по ред ќе игра во Лигата на шампионите, минатата година освои четири бодови беше последнопласирана во група со Наполи, ПСЖ и подоцна освојувачот Ливерпул.

Најтрофејниот српски клуб досега петпати играше против Баерн Минхен. Најпознатиот дуел беше одигран во 1991 година кога Звезда беше подобра во двомечот и се пласираше во финалето на тогашниот Куп на европските шампиони.

Звезда триумфираше во првиот меч во Минхен со 2:1, стрелец на еден од головите беше славниот македонски фудбалер Дарко Панчев, додека на реваншот во Белград беше 2:2. „Црвено-белите“ потоа станаа шампиони на Европа.

Претходно Баерн беше подобар во сезоната 1979/80 кога во третото коло од тогашниот Куп на УЕФА го доби првиот натпревар со 2:0 и помина во следната фаза и покрај поразот од 3:2 во реваншот. Звезда тогаш имаше три голови предност.

Последната пресметка беше завршена со победа на Баерн во Белград со 3:2 во групната фаза на Лига Европа во 2007 година.