Фудбалската репрезентација на Македонија забележа пад од две места на најновата ранг-листа која денеска ја објави Светската фудбалска федерација (ФИФА) и сега се наоѓа на 74. место.

Причина за падот на ранг-листата се трите нерешени натпревари во септемврискиот циклус од квалификациите за пласман на СП 2022 година.

Фудбалерите на дебито на Благоја Милевски на селекторското столче, на 2. септември одиграа 0:0 против Ерменија на Националната Арена „Тодор Проески“. Потоа следеше ремито во Рејкјавик против Исланд од 2:2, за потоа на 8. септември Македонија да ремизира и со Романија (0:0).

Од нашите ривали во групата, Германија е најдобропласирана на ранг-листата и се наоѓа на 14 место, потоа следи Романија (42, Исланд (60), )Ерменија (89) и Лихтенштајн (188).

Првото место на ранг-листата го држи Белгија, пред Бразил, а трета е Англија која ја помина Франција. Меѓу најдобрите 10 репрезентации на светот се наоѓаат уште Италија, Аргентина, Португалија, Шпанија, Мексико и Данска.