Полицијата во Тампа, Флорида, уапси маж осомничен за убиство на две лица во оруженото насилство што предизвика хаос во неделата во кварт преполн со барови и клубови за време на прославите на Ноќта на вештерките, соопштија локалните власти.

Шеснаесет лица се повредени, сите до еден од огнено оружје, соопшти полицијата.

Тајрел Стивен Филипс (22) е обвинет за убиство од втор степен на 14-годишно момче и 20-годишен маж, по судирот пред зори меѓу две групи во историската населба Тампа во Ибор Сити, соопшти полицијата.

Видеата на платформата за социјалните мрежи Х, порано позната како Твитер, покажаа луѓе како трчаат низ темнината додека одекнаа најмалку десетина истрели. На некои видеа се гледаат полицајци како брзаат да им помогнат на луѓето во костими кои крварат на тротоарите.

BREAKING: Halloween Celebration Mass shooting in Ybor City, Tampa, Florida Early this morning:

– At least 18 are injured and 2 are dead after a mass shooting took place this morning.

– The shooting took place on the 1600 block of East 7th Avenue in Tampa.

– The shooting began… pic.twitter.com/mRbvWXcrn7

— Brian Krassenstein (@krassenstein) October 29, 2023

Две лица починале, а 16 од нив со повреди се пренесени во болница, од кои 15 со прострелни рани, се вели во соопштението на полицијата.

На многумина од повредените, на возраст од 18 до 27 години, им била укажана помош и пуштени биле пуштени, но петмина останале во болница, соопшти полицијата.

Началникот на полицијата во Тампа, Ли Беркау, рече дека сведоците и помогнале на полицијата да го идентификува и уапси осомничениот напаѓач.