„Осумката“ за Пјаниќ: Не можам да го замислам Меси во друг клуб!
Како што и најавуваа од клубот, денеска Каталонците го промовираа своето ново летно засилување кое дојде од Јувентус, босанскиот интернационалец Миралем Пјаниќ.
Со Барселона потпиша договор на четири години и откупна клаузула од дури 400 милиони евра.
30-годишниот Босанец не го криеше задоволството што ќе игра во иста екипа заедно со Лионел Меси.
?? @Miralem_Pjanic feels the colors. https://t.co/61w9tBHjx5
— FC Barcelona (@FCBarcelona) September 15, 2020
– Не можам да го замислам Меси во ниту еден друг клуб. Тој е гигант од фудбалер, најдобар на сите времиња. Среќен сум што ќе остане. Ќе биде уникатно искуство да се дели соблекувалната со „вонземјанин“ – рече Пјаниќ.
Дојде во Барса од Торино за обесштетување од 60 милиони евра (плус бонуси пет милиони), што го направи најскап фудбалер на БиХ на сите времиња. Рекордот го држеше Един Џеко кој Манчестер сити го плати 37 милиони евра.
Пјаниќ ќе биде меѓу ретките кои играле и со Меси и со Роналдо!?