Оставката на Заев, шпекулација или одлука?
По вчерашниот одлука во Брисел Македонија да не добие датум за почеток на преговорите, денеска се погласни се шпекулациите дека премиерот Зоран Заев планира да поднесе оставка од премиерската фунција.
Нејасно е дали таа оставка би значела предвремени парламентарни избори веднаш, или пак Заев само ќе го врати мандатот за формирање на влада, по што претседателот на државата Стево Пендаровски може да му го додели на некој друг од владејачката партија.
Што ќе се случи ако премиерот денеска поднесе оставка беше прашан и лидерот на опозицијата Христијан Мицкоски. Тој одговори дека тоа значи формирање техничка влада и нови парламентарни избори.
Од Владата не ја демантираат ниту ја потврдуваат оваа шпекулација.
– Во тек се консултации на високо ниво, а одлуките ќе се носат исклучиво водејќи се од интересите на државата и на граѓаните – велат за „Слободен печат“ високи владини извори.
Кога ќе бидат донесени овие одлуки и кога ќе и бидат соопштени на јавноста засега не се открива.
Заев пред два дена рече дека нема да бега од политичката одговорност за недобивањето на датум за почеток на преговорите со ЕУ.