Ослободен тајландски заложник: „Хамас ги тепаа Израелците со електрични кабли“
Работник од Тајланд, кој неодамна бил ослободен од заробеништво на Хамас, изјави дека израелските заложници со кои го држеле членовите на Хамас дури биле тепани со електрични кабли.
Веста ја пренесува „Тајмс оф Израел“ повикувајќи се на репортажата на Канал 12.
Заложниците, како што рече, имале малку за јадење – пита дневно, некогаш лименка туна што ќе ја поделат четворица, а понекогаш парче сирење. Иако биле во заробеништво повеќе од седум недели, тој вели дека им било дозволено да се тушираат само еднаш.
„Бевме со Израелците, а тие цело време беа чувани. Се однесуваа многу грубо со Евреите кои беа со мене, понекогаш ги тепаа со електрични кабли“, вели Тајланѓанецот.