ОСЛОБОДЕН РУСКИОТ НОВИНАР КОМУ НАВОДНО МУ НАШЛЕ ДРОГА: Полицијата признала дека нема докази
Кривичната постапка против рускиот истражувачки новинар, кој предизвика улични протести и обвиненија за недолично однесување на полицијата е отфрлена заради недостаток на докази, објави рускиот министер за внатрешни работи.
Имено Иван Голунов бил запрен од московската полиција на пат па во ранецот му биле најдени „лесни дроги“.
Му ги земале клучевите од станот и потоа додека тој бил три часа во полицискиот автомобил, полицијата во неговиот стан „нашла“ кокаин и вистинска мала лабораторија, па е обвинет за „дилање дрога“.
Во притвор му се слошило (претходно имал и полесен мозочен удар), лекар од Брзата помош кој е повикан констатирал потрес на мозокот и напукнато ребро, но во болницата во која е донесен со полиција, утврдиле само „хематом на грбот и модрица на окото“, па го отпуштиле. Судот во Москва на крај му одредил казна куќен притвор до почетокот на август на Голунов, а му е одземен и телефонот.
Тој е еден од најпознатите истражувачки новинари, кој ги следи малверзациите и корупцијата во политичките кругови и нивните врски со организираниот криминал.