Општина Кисела Вода ги повикува сите заинтересирани што сакаат да земат учество во традиција за положување на Светиот Крст во осветените води, како дел од прославата на Водици да се пријават најдоцна до 18 јануари. Заинтересираните треба да се јават на  телефонскиот број: 078/207-687  и ќе треба да потпишат изјава дека се во добра здравствена состојба, информира општината.

Како што информираат, настанот ќе се одржи во базенот ,,Расадник”, во петок на 19-ти јануари 2024год.

– Со огромно задоволство сакам да ве информирам дека ја продолжуваме возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари. И оваа година, манифестацијата ја започнуваме од храмот Св. Ѓорѓија во 10:30, од каде со Богојавленска литија заедно со верниците и свештенството ќе се упатиме кон базенот во Расадник. Осветувањето на водата и положувањето на Светиот Крст ќе се случи во 11:00 часот, стои во соопштението

За најсреќниот учесник што ќе го извади Богојавленскиот Крст од водите e предвидена парична награда градоначалникот како и награди обезбедени од спонзори.