Веќе одамна заврши летната сезона во Охрид, но нашиот најголем туристички центар е посетен од туристите.

Екипата на Слободен Печат денеска забележа голем број на туристи, но претежно странци кои се дојдени да ги видат убавините на нашиот бисер и покрај тоа што е есен.

– Навистина сме фасцинирани од овој град. Немаме зборови, како од природните убавини, така и од богатата историја. Тука ќе бидеме три дена и мислам дека ќе видиме се – вели еден турист од Хонг Конг.
Секаде низ чаршијата можеше да се слушнат секакви странски јазици и можеше да се разбере од нивните очи дека се импресионирани од тоа што го гледаат.

– Бевме на Тврдината, па на Плаошник и Канео и многу ни се допадна. Утре планираме да одиме со брод до Свети Наум и да погледнеме и таму што има – ни изјави еден турист од Германија кој тука е со својата сопруга и уште неколку пријатели.

Погледнете како изгледа Охрид во октомври: