ОГАН И ГНЕВ ШИРУМ САД: Конфликти на демонстрантите и полицијата, голем број на повредени (ФОТО+ВИДЕО)
Националната гарда објави дека распоредила 5.000 свои припадници во повеќе од 15 сојузни држави, како и во главниот град Вашингтон, каде што повторно имаше собири пред Белата куќа, но и палежи.
Минатата ноќ во САД повторно ја одбележаа протестите против полициска бруталност, кои уследија по смртта на невооружениот Афроамериканец Џорџ Флојд минатиот понеделник во Минеаполис додека бил приведуван од полицијата.
Препорачано
Полициски час беше воведен во речиси 40 градови, но главно не се почитуваше од демонстрантите, што доведе до тензични соочувања со полицијата.
Таа се судри со демонстрантите во Лос Анџелес, Чикаго, Њујорк и Филаделфија, при што користеше солзавец и гумени куршуми.
Националната гарда објави дека распоредила 5.000 свои припадници во повеќе од 15 сојузни држави, како и во главниот град Вашингтон, каде што повторно имаше собири пред Белата куќа, но и палежи.
Полицаецот Дерек Човин, кој му нанесе смртоносни повреди на Флојд, денеска првпат треба да се појави во суд под обвинение за убиство.
Илјадници демонстранти предизвикаа хаос на улиците на Њујорк и за момент го затворија мостот Менхетн.
Полицијата соопшти дека меѓу уапсените е и 25-годишната ќерка на градоначалникот Бил де Блазио.
Прочитајте: „Њујорк тајмс”: Трамп со сопругата и синот однесени во бункер по закана од протести околу Белата куќа (ВИДЕО) Скандал во САД, НБА шампион претепал момче за време на протестите (ВИДЕО)
