Официјално: Луис Суарез е нов фудбалер на Атлетико Мадрид
Како што и се најавуваше, тоа денеска и се потврди, Луис Суарез (33) во новата натпреварувачка сезона ќе ги брани боите на Атлетико Мадрид.
Уругвајскиот интернационалец потпиша договор на две години со „јорганџиите“ после успешните лекарски прегледи направени во петок.
? @LuisSuarez9 ?
? #AúpaAtleti pic.twitter.com/bZI5UMdp3v
— Atlético de Madrid (@Atleti) September 25, 2020
Суарез досега ги бранеше боите на Барселона во чии бои настапуваше од сезоната 2014/15. Со каталонскиот клуб еднаш ја освои Лигата на шампионите, по четирипати „Ла Лига“, „Копа дел Реј“, а по еден трофеј има и од Светското клупско првенство и УЕФА Суперкупот.
Уругваецот е третиот најдобар стрелец во историјата на Барса со 198 голови во 283 натпревари. Само Лионел Меси и Сесар Родригез имаат повеќе погодоци.
Во кариерата беше дел уште од екипите на Насионал, Гронинген, Ајакс и Ливерпул.
Меси ја критикуваше Барселона: Ништо повеќе не ме изненадува!