УЕФА очекувано повторно ги одложи бараж натпреварите од Лигата на Нациите кои носат пласман на Европското првенство, а меѓу нив е дуелот помеѓу Македонија и Косово.

Македонија и Косово во полуфиналето од Лигата на Нациите првично требаше да играат на 26 март на Националната арена „Тодор Проески“ но поради пандемијата на коронавирусот, натпреварот е одложен и презакажан за 4 јуни. Денеска УЕФА повторно го одложи натпреварите од Лигата на Нациите и тоа за за септември.  Според првичниот план, натпреварот треба да се одигра помеѓу 3. и 8. септември.

Причина за овој потег е што европската куќа на фудбалот сака прво да завршат натпреварите во домашните првенства, да се одиграат до крај Лигата на шампионите и Лигата на Европа, а потоа на ред ќе дојдат репрезентативните настапи бидејќи и самото ЕП е одложено за идната година.