Официјално: Џерард е новиот менаџер на Астон Вила
Раководството на англискиот великан од Вила Парк реши да му врачи отказ на 50-годишниот Дин Смит после пет последователни порази во Премиер лигата.
Англиската фудбалска легенда Стивен Џерард повторно е во Премиер лигата, овој пат во тренерските води, односно денеска е промовиран како нов менаџер на Астон Вила.
Интересно е тоа што токму Смит е најголемиот кандидат за преземање на шкотскиот великан Ренџерс, кој Џерард го врати на врвот на шкотскиот фудбал.
Џерард ја започна својата менаџерска кариера во 2017 година во младинските категории на Ливерпул, каде што ја помина целата своја кариера како фудбалер.
Но, тој остана таму кратко време затоа што не можеше да го одбие повикот од Ренџерс од Глазгов. Тој минатата година успеа да ги врати Ренџерс на врвот на шкотскиот премиерлигаш и да ја освои титулата по една деценија после огромните проблеми во клубот.
Aston Villa Football Club is delighted to announce the appointment of Steven Gerrard as our new Head Coach. 🟣
— Aston Villa (@AVFCOfficial) November 11, 2021
Сега Џерард ќе има уште една сериозна задача, а тоа е да го извлече поранешниот европски првак од резултатската криза и да се обиде да го направи тимот од Бирмингем конкурентен за врвот на табелата во англиската Премиер лига.
Моментно Астон Вила е на 16 позиција со 10 бодови, само два помалку од Барнли кој е во опасната зона за испаѓање.