Првиот полуфинален натпревар од англискиот Карабао (Лига) куп помеѓу Арсенал и Ливерпул е одложен поради големиот број на позитивни фудбалери на коронавирус како и повредени играчи кај „црвените“. Со одложувањето на натпреварот кој требаше да се игра утре, Ливерпул ќе ја загуби предноста на домашен терен бидејќи новиот термин за одигрување е 20 јануари и ќе се игра на „Емирати“. Натпреварот на „Енфилд“ ќе се игра според првичниот план, на 13 јануари.

Ливерпул вчера го затвори тренинг центарот во Киркби откако во последната рунда на тестирања имаше неколу позитивни на коронавирус. Жоел Матип, Роберто Фирмињо се веќе во изолација бидејќи веа позитивни на ковид-19 уште минатата недела, додека повредени се Минамино, Ориги, Елиот и Тијаго Алкантара, а Садио Мане, Мохамед Салах и Наби Кеита ќе учествуваат на Африканскиот куп на нации. Позитивен на корона е и менаџерот Јирген Клоп.