Дваесет и пет години по пристапувањето во ЕУ, Австрија, благодарение на членството во Унијата, побогата е за 16 отсто, покажува проценката на економскиот институт Вифо.

Со пристапувањето кон ЕУ секој Австриец ќе има 1000 шилинзи повеќе (73 евра), беше ветувањето кое им беше дадено на грашаните пред 25 години, но во реалноста сликата е попозитивна.

– Австријците сега можат да си дозволат 16 отсто повеќе, што немаше да биде случај ако Австрија не беше членка на ЕУ – проценува Институтот.

Благодарејќи на Источна Европа, Австрија можела повеќе да профитира од Финска и Шведска, кои во исто време пристапија кон ЕУ.