Уделот на обновливите извори на енергија во греењето и ладењето на ниво на Европската Унија достигна 26,7 проценти во 2024 година, објави денес Евростат. Службата за статистика на ЕУ вели дека ова е највисоката вредност од 2004 година, кога се води таква статистика, кога процентот изнесуваше 11,7 проценти. Уделот се зголеми за 0,5 проценти во споредба со 2023 година (26,2 проценти), но беше под просечното годишно зголемување за 20 години (0,75 проценти).

Во апсолутна смисла, бруто-финалната потрошувачка на обновливи извори на енергија за греење и ладење во ЕУ постепено се зголемуваше со текот на времето, главно поради придонесот на биомасата и топлинските пумпи. Меѓу поединечните земји од ЕУ, Шведска имаше најголем удел на обновливи извори во греењето и ладењето (67,8 проценти), по што следуваа Финска (62,6) и Латвија (61,8), пренесува Танјуг. Спротивно на тоа, најниски удели беа забележани во Ирска (7,9 проценти), како и во Холандија и Белгија (и двете по 11,3 проценти).