Објавена снимка од тајното засолниште на Кристијан Брукнер, осомничен за убиството на Медлин Мекен, еве што пронајде полицијата (ВИДЕО)
Снимките скриени во тајна скривница на Кристијан Брукнер, осомничен за исчезнувањето на Медлин Мекен, можат на содржат значајни траги во врска со исчезнатото тригодишно девојче.
Германската полиција наводно открила повеќе од 8.000 фотографии и снимки на усб и хард дискови, кои биле закопани во напуштена фабрика која му припаѓа на Брукнер.
Препорачано
Сега се тврди дека новите докази би можеле да содржат значајни траги во врска со исчезнувањето на Медлин Мекен, на која и се загуби секаква трага во Португалија во 2007 година, пренесува Дејли Мејл.
Меѓутоа, главниот обвинител Ханс Кристијан Волтерс за емисијата „Австралија во 60 минути“, не можеше да потврди дали на тие фотографии се наоѓа Медлин.
„Во овој момент не ми е дозволено тоа га го коментирам и затоа не можам да кажам дали постојат и фотографии од Медлин“, рече тој.
Објавена е снимка од внатрешноста на тајното засолниште на Германецот, а на имотот полицијата го открила и неговото комбе со многу костими за капење за кои се верува дека им припаѓаат на девојчиња.
На снимката се гледа затвоената фабрика на непозната локација, а пред неа се наоѓаат купови пластични кеси, кутии и делови од компјутери.
Инаку, Кристијан Брукнер (43) е означен како главен осомничен во врска со исчезнувањето на девојчето во 2007 година од летувалиште во Португалија.
