Проблемите за Јирген Клоп и Ливерпул немаат крај. По драматичниот пораз од Манчестер јунајтед со 4:3 во четвртфиналната пресметка од ФА Купот, германскиот фудбалски менаџер на „црвените“ објави дека тројца нови играчи од неговиот тим имаат здравствени проблеми.

Тие се Луис Дијаз, Дарвин Нунес и Коди Гакпо. Сите тројца имаат различни тегоби по пресметката на „Олд Трафорд“.

Добрата вест за Ливерпул во овој случај е што следува пауза за репрезентациите и „црвените“ немаат натпревари.

Од почетокот на годината Ливерпул го мачат сериозни кадровски проблеми поврзани со повредени играчи.

Алисон Бекер, Трент Александер-Арнолд, Енди Робертсон, Мохамед Салах и Диого Жота пропуштија голем број на натпревари. Некои од нив и натаму не се во најдобра здравствена состојба во моментов.