Повозрасна битолчанка била измамена за сума од 20.000 евра. Како што рекла во полиција, непознато лице ѝ се јавило и ѝ рекло дека нејзината ќерка паднала и се повредила, па за операција се потребни пари и таа отишла и ги оставила на договореното место.

Нова измама на повозрасна жена, на која ѝ биле земени 20.000 евра за лажна дојава дека нејзната ќерка паднала и се повредеила, па за операција се потребни пари.

„На 03.12.2025 во 10:19 часот во СВР Битола, 70-годишна битолчанка пријавила дека била измамена од едно лице за сума од 20.000 евра. Според пријавеното, лицето ѝ се јавило и ја известило дека нејзината ќерка паднала по скали и ја искршило вилицата и ногата и дека требало да ѝ се стават златни шипки. Како што е пријавено, таа ги оставила парите на договореното место, а подоцна откако ѝ се јавила нејзината ќерка сфатила дека е измамена“ соопшти МВР.

Се преземаат мерки за расчистување на случајот.