„Нов љубовен пар“: Ѕвездата на филмот „Тома“ го освоил срцето на ќерката на Драган Бјелогрлиќ!
Милан Мариќ и Миа Бјелогрлиќ веќе некое време се заедно, иако за тоа до неодамна знаеле само неколку нивни пријатели. Како што пишува српски „Блиц“, ѕвездата на филмот „Тома“, 31-годишниот актер Милан Мариќ е во среќна врска 25-годишната Миа Бјелогрлиќ, ќерка на актерот и режисер Драган Бјелогрлиќ.
Иако се запознале уште на снимањето на филмот „Тома“, во кој Мариќ го игра познатиот пејач Тома Здравковиќ, а автор на филмот е таткото на Миа, Драган Бјелогрлиќ, тие се зближиле на една прослава, по дочекот на Новата 2022 година.
View this post on Instagram
Само неколку од нивните најблиски пријатели знаеле дека се лудо вљубени, а Миа и Милан дале сè од себе за да ја задржат својата врска подалеку од јавноста и медиумите, но не успеале.
View this post on Instagram
Инаку, Милан Мариќ, кој по улогата на Тома Здравковиќ стана голема ѕвезда во целиот регион, љубовниот живот отсекогаш го држел подалеку од очите на јавноста. Само еднаш откри дека годините не му се важни.
„Сум бил во врска со постара девојка, сум бил и со помлада, имав прекрасни врски, прекрасни односи со некои прекрасни луѓе. Во сите тие врски, многу повеќе ме интересираа други работи отколку разликите во годините или слични ситници“, во една прилика откри актерот.
View this post on Instagram
Засега не се знае што мисли таткото на Миа, Драган Бјелогрлиќ за новиот зет.