Израелскиот премиер Бенјамин Нетанјаху на група американски членови на Конгресот им рече дека до „победата“ во Газа и „добивањето“ на високото раководство на Хамас во енклавата, израелските сили ги делат само „неколку недели“, пишува Си-ен-ен. 

Говорејќи пред двопартиската група во Конгресот Нетанјаху рече:

„Убивме многу високи лидери на Хамас, вклучително и четвртиот и третиот по хиераркија во организацијата Хамас. Ќе ги вториот и првиот човек на Хамас. Тоа е победата, а победата ни е на дофат. Доаѓа за неколку недели“, информира Нетанјаху.

Премиерот вели дека од нападот на Хамас на 7 октомври, Израел уживал „извонредна усогласеност“ со администрацијата на Бајден, но има фундаментално различни ставови за израелското преселување во Рафах.

Израел се соочи со критики на меѓународно ниво пред неговата планирана офанзива врз јужниот град Газа, во кој во моментов се засолнети повеќе од еден милион луѓе.

Нетанјаху претходно и кажа на делегацијата дека раселените Палестинци во Газа можат „само да се преселат“ од Рафах и  може да се движат пренесувајќи ги своите шатори.

„Го имаат целиот Појас Газа северно од Рафах“, рече Нетанјаху. „Луѓето се движат надолу, можат да се движат нагоре“, додаде премиерот.

Несогласувањата околу претстојната инвазија на Рафах и влошената хуманитарна катастрофа во Газа ги доведоа односите меѓу Нетанјаху и американскиот претседател Џо Бајден на ниско ниво.

Претходно оваа недела, Нетанјаху ја откажа планираната владина делегација во Вашингтон во знак на протест поради воздржувањето на САД од гласањето во Советот за безбедност на ОН, кое дозволи да се усвои резолуцијата со која се бара итен прекин на огнот во Газа.