Фудбалерот на Барселона, Самуел Умтити е уште еден од играчите на вицешампионот на Шпанија кој е позитивен на коронавирус. Клубот ја потврди оваа информација непосредно пред четвртфиналниот дуел од Лигата на шампионите со првакот на Германија, Баерн.

Умтити е вториот фудбалер од каталонскиот клуб кој е позитивен на последното тестирање на коронавирус, претходно беше објавано дека заразен е и Жан-Клер Тодибо.

Умтити моментно се опоравува и од повредата на левото колено, која ја здоби во јули. Истата го оддалечи и да настапува на завршниот турнир од ЛШ во Лисабон.

– После тестирањата кои се направени во четвртокот, првотимецот Самуел Умтити е позитивен на коронавирус. Тој моментно нема никакви симптоми, се наоѓа во добра здравствена состојба и во домашна изолација. Клубот ги информираше релевантните здравствени и спортски органи, а исто така ги следевме и сите контакти кои ги имаше играчот за да се продолжи со тестирањето – стои во соопштението на Барселона.

Сите останати играчи беа негативни на последното тестирање. Во последните две години голем проблем за францускиот дефанзивец беа повредите. Оваа сезона поради нив одигра „само“ 11 натпревари за „блауграна“.

LATEST NEWS | @samumtiti tests positive for Covid-19.

All the details: https://t.co/JkIEikhseQ pic.twitter.com/kLVPitD4m9

— FC Barcelona (@FCBarcelona) August 14, 2020