Американската актерка Хедер Локлир (61), која во осумдесеттите години на минатиот век важеше за една од најубавите жени во Холивуд, минатата недела ја загрижи јавноста со нејзиното „чудно и отсутно“ однесување во Малибу, Калифорнија.

Телевизиската ѕвезда, чии проблеми со менталното здравје и зависностите ѝ се познати на јавноста, била фотографирана како „отсутно“ седи на тротоар и чека превоз. Како што објавија американските медиуми, таа чекала повеќе од половина час додека нејзиниот партнер Крис Хајсер не дошол да ја земе.

Сега таа повторно била забележана како зборува сама со себе и како оди држејќи се за ѕид за да не падне. Како што објави „Дејли мејл“, пред да излезе од зградата, Локлир била на работен состанок кој траел околу еден час. Потоа седнала на скалите, почнала да чита нешто од тетратка и да зборува на глас.

Нејзините пријатели, кои се загрижени за неа, велат дека Локлир повторно почнала да пие алкохол, по бројните обиди да ја надмине оваа зависност. Во 2019 година, списанието „Пипл“ објави дека актерката била на рехабилитација над 20 пати.

Heather Locklear seen balancing on a ledge and sprinting across the street https://t.co/HjOturm0lU pic.twitter.com/HJ8TLVVUe4

— Daily Mail US (@DailyMail) July 3, 2023

Како потсетување, Локлир беше во брак со музичарот Томи Ли, од 1986 до 1993 година, но и со гитаристот Ричи Самбора, од 1994 до 2007 година, со кој ја има ќерката Ава (25).

Проблематичната актерка се вери со Крис Хајсер во 2020 година, по тригодишна врска. Првично, тие се состанувале за време на средношколските години, по што се разделиле, а во 2017 година ја обновиле врската.

Покрај проблемите со менталното здравје и зависностите, актерката беше уапсена за семејно насилство и напад на полицаец во 2018 година. Неколку месеци подоцна, актерката беше уапсена уште еднаш, повторно за семејно насилство.

Локлир е најпозната по своите улоги во сериите „Melrose Place“, „Dynasty“, „TJ Hooker“ и „Spin City“.