Нејмар испиша историја, ПСЖ е новиот четвртфиналист во ЛШ! (ВИДЕО)
Благодарение на головите на Нејмар и Бернат, француските фудбалски шампиони успеаја да ги елиминираат „милионерите“ од Дортмунд.
Се одигра нов реванш натпревар од осминафиналето во фудбалската Лига на шампионите, вечерва во Париз пред празните трибини на „Паркот на принцовите“, екипата на ПСЖ славеше со 2:0 против Борусија Дортмунд.
Да потсетиме, на првиот дуел во Германија играчите на швајцарскиот тренер Фавр триумфираа со 2:1.
Com o gol de hoje, Neymar Jr chegou a marca de 400 gols na Carreira! pic.twitter.com/IoYExqDjeZ
— FutRaiz_Fc (@futraiz_fc) March 11, 2020
Во 28. минута поведоа париските „светци“ со голот на Нејмар кој со глава ја испрати топката во мрежата на Бурки после изведениот корнер на Ди Марија. За Бразилецот ова е вкупно 400 погодок во својата кариера.
Непосредно пред паузата уште еден погодок за францускиот првак, Сарабиа го пронајде Бернат, а овој само доволно да го смени правецот до голот на бундеслигашот за поставување на конечниот епилог и пласман на ПСЖ во четвртфиналето на ЛШ.
Во самиот финиш од средбата кај гостите црвен картон доби Емре Џан што им ја отежна уште повеќе задачата на своите тимски колеги.