Не постои „случај Нејмар“: Бартомеу за Гризман, Меси, де Лихт…!
Повод за ваквото обраќање беше промоцијата на новајлијата Френки де Јонг, и веднаш кружеа прашања за наредните потези на Бартомеу во летниот преоден рок.
Изминатиот период се шпекулираше можно враќање на Нејмар на „Камп Ноу“, а еве што вели првиот човек на каталонскиот гигант:
Bartomeu: We know Neymar wants to leave PSG but we also know that PSG don't want to sell, so there's no Neymar case.
— Samuel Marsden (@samuelmarsden) July 5, 2019
– Знаеме дека Нејмар сака да си оди од ПСЖ, и ние знаеме дека ПСЖ не сака да го пушти. Не постои „случај Нејмар“. Според мене, Дембеле е подобар од него. Помлад е, има уште да напредува, тој е вистинска иднина на клубот и за тоа ќе остане во Барселона – рече Бартомеу.
Наредна тема беше француската ѕвезда на Атлетико Мадрид, Антоан Гризман:
– Преговараме со Атлетико. Заинтересирани сме за Гризман. Вчера имавме состанок со челниците на двата клуба. Не можам да кажам ништо повеќе околу тоа, бидејќи ситуацијата брзо се променува. Ништо не е готово, не е сигурно дали фудбалерот ќе се пресели во Барса – додаде Бартомеу.
BREAKING: Barcelona president Josep Bartomeu confirms talks with Atletico Madrid over Antoine Griezmann pic.twitter.com/QKrGsUWzEj
— B/R Football (@brfootball) July 5, 2019
Потоа фокусот беше насочен кон холандскиот талентиран играч Матијс де Лихт, но по се изгледа битката е „загубена“. Се говори дека де Лихт кој најверојатно ќе се пресели во Јувентус.
– Веќе долг период ви велам дека знам каде де Лихт ќе ја продолжи кариерата. Не можам тоа да откријам, бидејќи е се уште под договор со Ајакс и нема тоа да го направам од почит спрема двата клуба – додаде претседателот на Барса.
❗ Bartomeu: “I know where De Ligt will play next season. I have said this for a long time and I still know where he will play next season.” pic.twitter.com/LI6sNTzCZQ
— ??? ???? ? (@TheEuropeanLad) July 5, 2019
Се објави и шпекулација дека Лионел Меси му препорачал на клубот да го ангажира Лаутаро Мартинез:
– Ајде да завршиме и со тој „мит“. Меси никогаш не побарал да доведеме некој играч, ниту се мешал во политиката на клубот. Тој единствено сака да направиме тим способен за освојување трофеи. Ништо повеќе од тоа –
И на крајот легендарниот голман Виктор Валдез кој би имал функција во администрацијата на Барселона:
– Му реков дека е време да се врати дома, но тој тврди дека не е дојден правиот момент. Јас ќе се потрудам да го вратам – заврши Бартомеу.