Кошаркарите на Мајами го надиграа Милвоки со 115:104 и поведоа со 1:0 во првиот натпревар од втората рунда на плеј-офот во Источната конференција во НБА лигата. Тимот го предводи Џими Батлер кој постигна плеј-оф рекорд на кариерата со 40 постигнати поени.

Иако Бакси имаа во еден момент од мечот и двоцифрена предност, „жешките“ направија пресврт и дојдоа до првата победа во полуфиналната серија.

И Горан Драгиќ имаше одлична партија од 27 поени (шест скока, пет асистенции), а на спротивната страна најефикасен беше Крис Мидлтон со 28 поени, четири помалку запиша Брук Лопез.

Оклахома успеа да израмни на 3:3 против Хјустон (104:100) во првата рунда од плеј-офот на Западот. Токму последниот седми дуел ќе решава кој во следната фаза ќе ги одмери силите против Лос Анџелес Лејкерс.

За „громовите“ синоќа доминираше Крис Пол со 28 поени (седум скока), а Данило Галинари реализираше 25 поени и пет скока. Џејмс Харден повторно беше најдобар на паркетот (32 поени, осум скока, седум асистенции), но недоволно да се спречи поразот на Блејзерси.