Во поразот на Денвер од Филаделфија (97:92) српскиот интернационалец Никола Јокиќ запиша уште една одлична партија со 15 поени, 11 асистенции и седум скокови.

Поефикасен од Србинот беше Вил Бартон со 26 поени (по седум скокови и асистенции), а на спротивната страна за Сиксерси Џоел Ембид имаше 22 поени, 10 скокови и шест асистенции.

На домашен терен одлична игра покажува Мајами кој дојде до 11. триумф пред своите навивачи, откако Атланта после едно продолжение беше совладана со 135:121.

Дури тројца играчи кај „жешките“ имаа 30 и повеќе поени. Кендрик Нан постигна 36, Данкан Робинсон 34, а Бам Адебајо „трипл-дабл“ од 30 поени, и по 11 скокови и асистенции. За Хикси доминираа Де Андре Хантер (28 поени) и Треј Јанг (21 кош).

Портланд славеше убедливо со 115:87 против Њујорк најмногу благодарение на Демиан Лилард кој забележа 31 поен.

За Блејзерси ова е десетта победа на 25 одиграни средби оваа сезона, додека Никси имаат најлош биланс досега со само четири победи и дури 20 порази.

НБА, резултати –

Шарлот – Вашингтон 114:107
Мајами – Атланта 135:121, 117:117 (по 1 прод.)
Филаделфија – Денвер 97:92
Портланд-Њујорк 115:87

ЗАПАДНА КОНФЕРЕНЦИЈА:

1.Лос Анџелес Лејкерс 21-3
2.Лос Анџелес Клиперс 18-7
3.Далас Маверикс 16-7
—

ИСТОЧНА КОНФЕРЕНЦИЈА:

1.Милвоки Бакс 21-3
2.Бостон Селтикс 17-5
3.Мајами Хит 18-6

—