Рускиот опозициски лидер Алексеј Навални ја повика Европската унија да ги отфрли резултатите од руските парламентарни избори следната година ако на било кој кандидат му биде забрането учество и ја повика ЕУ да воведе санкции против олихаргите блиски до претседателот Владимир Путин.

Тој на членовите на Европскиот парламент им порача дека е важно Европа да не остане нема на условите во Русија, пренесува АП.

Тој изборите за долниот дом во рускиот парламент, кои би требале да се одржат во септември следната година, ги нарече „апсолутно клучен настан“ и дека е најважно тој и останатите опозиционери да можат да учествуваат на нив.

На Навални досега неколку пати му беше блокирано учество во изборите.

– Ако на сите им биде дозволено да учествуваат, би можеле и понатаму да зборуваме. Но, ако на некого тоа му е оневозможено, резултатите на такви избори не би можеле да бидат признати, рече Навални.